Monday, February 22, 2016

ዓባይ ለምን ጨሰ ?

ረጅም ወንዝ ሆኖ ‘ሚፈሰው ዘላለም
ለካስ ዓባይ ማለት ውኃ ብቻ አይደለም 
ጭስ ነው በመንፈሱ እሳት ነው ባ’ካሉ
ሆድ ሲብሰው ጭሶ ያቃጥላል አሉ
ይኸው አየሁ ባይኔ ዓባይ እሳት ሆኖ
ውስጡ ሲንቀለቀል በነጭ ጭስ ታፍኖ
የእሳቱ ነበልባል ቁልቁል ሲወረወር
የሚታየው ዓባይ በብሶት ሲዘረር
ምን ጎድሎበት ይሆን እንዲህ የሚጨሰው
በክብር በዝና ዓለምን ‘ሚያደርሰው
እኔ በእኔው ሀሳብ እንዲያው ስመረምር
ዓባይ እሳት ሆኖ የመጨሱ ምሥጢር
ስደቱ ታይቶት ነው ከአገር መውጣቱ
ጣናን እንዳለፈ ሲጨስ መታየቱ
ምን በስም ቢገኑ ታውቀው ቢከበሩ
ከባህል ከእምነት ጋር በሀገር ካልኖሩ
መች ሰላም ይሰጣል መች ኑሮ ይደላል
ውስጥ የታፈነ ሳት ጭሶ ያቃጥላል!!!
...

(መላኩ አላምረው- ሚያዝያ 24/2006- ጭስ ዓባይ ከፏፏቴው ጥግ)
Posted by at

No comments:

Post a Comment

Subscribe to: Post Comments (Atom)