ቡሄ / ደብረ ታባር

ቡሄ በሉ /2/ ሆ ልጆች ሁሉ ሆ
የኛማ ጌታ ሆ የዓለም ፈጣሪ ሆ
የሰላም አምላክ ሆ ትሁት መሀሪ ሆ
በ ደብረ ታባር ሆ የተገለፀው ሆ
ፊቱ እንደ ፀሀይ ሆ በርቶ የታየው ሆ
ልብሱ እንደብርሀን ሆ ያንፀባረቀው ሆ
+++++++
ድምጽህን ሰማና በብህሩ ደመና /2/
የቡሔው ብርሀን ለኛ በራልን /2/
+++++++
ያዕቆብ ዮሀንስ ሆ እንዲሁም ጴጥሮስ ሆ
አምላክን አዩት ሆ ሙሴ ኤልያስ ሆ
አባትም አለ ሆ ልጄን ስሙት ሆ
ቃሌ ነውና ሆ የወለድኩት ሆ
++++++++
ታቦር አርሞንኤም ሆ ብርሀን ታየባቸው ሆ
ከቅዱስ ተራራ ሆ ስምህ ደስ አላቸው ሆ
ሰላም ሰላም ሆ የታቦር ተራራ ሆ
ብርሀነ መለኮት ሆ ባንቺ ላይ አበራ ሆ
+++++++
በተዋህዶ ሆ ወልደ የከበረው ሆ
የእግዚአብሔር አብ ልጅ ሆ ወ/ማርያም ነው
ቡሄ በሉ ሆ ቡሄ በሉ ሆ
የአዳም ልጆች ሆ ብርሀንን ሆ ተቀበሉ ሆ
+++++++
አባቴ ቤት ሆ የአለኝ ለከት ሆ
እናቴ ቤት ሆ አለኝ ለከት ሆ
ካጐቴም ቤት ሆ አለኝ ለከት ሆ
ተከምሯለ ሆ እንደ ኩበት ሆ
+++++++
የዓመት ልምዳችን ሆ ከጥንት የመጣው ሆ
ከተከመረው ሆ ከመሶቡ ይውጣ ሆ
ከደብረ ታቦር ሆ ጌታ ሰለመጣ ሆ
የተጋገረው ሆ ሙልሙሉ ይውጣ ሆ
++++++++
ኢትዮጵያውያን ሆ ታሪክ አላችሁ
ባህላችሁን ሆ ያዙ አጥብቃችሁ ሆ
ችቦውን አብሩት ሆ እንዳባቶቻችሁ ሆ
ምስጢር ስላለው ሆ ደስ ይበላችሁ ሆ
+++++++
አባቶቻችን ሆ ያወረሱን ሆ
የቡሄን ትርጉም ሆ ያስተማሩን ሆ
እንድንጠብቀው ሆ ለእኛ የሰጡን ሆ
ይህን ነውና ሆ ያስረከቡን ሆ
+++++++
ለድንግል ማርያም ሆ አሥራት የሆንሽ
ቅዱሳን ጻድቃን ሆ የሞሉብሽ ሆ
በረከታቸው ሆ ያደረብሽ ሆ
ሁሌም እንግዶች ሆ የሚያርፉብሽ ሆ
ሀገረ እግዚአብሔር ሆ ኢትዮጵያ ነሽ ሆ
+++++++
ለሐዋርያት ሆ የላከ መንፈስ ሆ
ዛሬም ለኢትዮጵያ ሆ ጸጋውን ያፍስስ ሆ
በበጎ ምግባር ሆ እንድንታነጽ ሆ
በቅን ልቦና ሆ በጥሩ መንፈስ ሆ
በረከተ ቡሄ ሆ ለሁላችን ይድረስ ሆ
++++++
ዓመት ዓውዳመት ድገም እና ዓመት ድገም እና
በጋሽዬ ቤት ድገም እና ዓመት ድገም እና
ያውርድ በረከት ድገም እና ዓመት ድገም እና
ወርቅ ይፍሰስበት ድገም እና ዓመት ድገም እና
በእማምዬ ቤት ድገም እና ዓመት ድገም እና
ይግባ በረከት ድገም እና ዓመት ድገም እና
ማርና ወተት ድገም እና ዓመት ድገም እና
ይትረፍረፍ በእውነት ድገም እና ዓመት ድገም እና
++++++
እንዲሁ እንዳላችሁ በፍቅር አይለያችሁ በፍቅር
ላመቱ በሰላም በፍቅር ያድርሳችሁ በፍቅር
ክርስቶስ በቀኙ በፍቅር ያቁማችሁ በፍቅር
የመንግስቱ ወራሽ በፍቅር ያድርጋችሁ በፍቅር
እንዲሁ እንዳለን በፍቅር አይለየን በፍቅር
ለዓመቱ በሰላም በፍቅር ያድርሰን በፍቅር
አማኑኤል በቀኙ በፍቅር ያቁመን በፍቅር
የመንግስቱ ወራሽ በፍቅር ያድርገን በፍቅር
+++++++
የቅዱሳን መላክት የፃድቃን ሰማዕታት
ረድኤት በረከት ይግባ በሁሉም ቤት
በሁሉም ቤት /2/ ይግባ በረከት/2/
እንቁም በሃይማኖት ፀንተን በትጋት
የአስራት አገር የአበው ቀደምት
የቅዱሳን አባቶች ትውፊት
ይገባልና ልንጠብቅ በእውነት
ባህላችንን የአባቶች ትውፊት /3/

----

እንኳን ለታላቁ የቡሄ (ደብረ ታቦር) በዓል በሰላም አደረሳችሁ!!!